!!!عالم جديد من النكت المغربية يناديكم !!!

أهلا بكم في موضوع آخر وهذه المرة موضوعي سيكون باقة من النكت الجميلة,
أجمل و أحدث النكت لعام 2007



1-
هادو 3 فكارن (جمع فكرون) باو يسافرو لفرنسا ، جمعو حوايجهم و شدوا الطريق
دارو من فاس لطنجة 18 عام ملي وصلو لميناء لقاو بلي نساو الباسبورات. بففففففففففف
شنو المعمول قالهم واحد نديرو قرعة و اللي جات فيه يمشي يجيبهم ، دارو القرعة و طاحت فواحد فيهم
المهم هداك قبل و ملي ماشي قالهم شوفو راها الماكلة قليلة ماتاكلوش حتى نجي.
قالولو غادي ألي 18 عام و روتور 18 عام يعني 36ما تخافش.
السيد مشى و بقاو 35 عام جالسين يستناو ، واحد وجعاتو كرشو و بغا ياكل ، قالها لصاحبو
صاحبو رد عليه : أودي خطينا ، راحنا درنا معاه كلمة واحدة ماناكلوش.
الاخر قالو ا صاحبي غي شوية ماغاديش يلاحظ
قالو : أوكي ياله بزربة.
أو هداك طل عليهم من واحد الشجرة و قاليهم : هااااااااااا شفتو
لوكان مشيت لوكان غشيتوني.

35 عام غي مخبي.




2-
هذا واحد السيد جاتو فيزا لفرنسا ، و الوالدة ديالو الحاجة مابغاتوش يمشي، المهم عيا معاها ما بغاتش
قالتلو مايمكنش واش تخليني بوحدي و حتا واحد ما يتهلا فيا.
المهم السيد جابلها فيلم " الرسالة "و DVD و قالها هاكي باش تلفي و ان شاء الله ندير شوية فلوس
و نرجع فيسع.
وافقتلو غي بسيف ، و داز عام و الحاجة تصبح على الرسالة و تمسي على الرسالة تتغذى بالرسالة
و تتعشى برسالة
حتى حفظت داك الفيلم.
نهار جا ولدها لصقت فيه، والو ديني لسينيما راني مليت داك الفيلم بغيت نتفرج لواحد اخر نتلف.
خداها لسينيما قطعو التذاكر و دخلو جلسو فالمقعد الاول
و مفاجأة ديك السينيما كانو دايرين ديك الليلة فييلم
" الرسالة"
الحاجة تعقدت و جلست غضبانة
المهم فاللقطة اللي خالد بن الوليد شد الجيوش و جا هاجم على المسلمين هو غادي يجري و يوقف
و يطل على الحاجة و يقولها : الحاجة !!!!!! راكي هنا !!!!!!!!!!!!!!!!!!

حتى هو عقل عليها




3-
جوج كانو فخيمة و عاطينها لتباوق (الحشيش) ، جا واحد كثر بهم دخل لخيمة و قاليهم الله يعطيكم
الستر واحد الجوان
خوكم مزير.
قالوليه و الله ما عزيناه فيك و لكن جيبنا الوقيد و هاك واحد.
هداك خرج من الخيمة و ضرب دورة على الخيمة و جا داخل عليهم و قالهم
الخوت ما عندكمش الوقيد.
قالوليه : و الله عاد دابا سيفطنا واحد السيد يجيبو





4-
واحد نهار واحد الفار كان يخيط الزناقي، لقى قرعة ديال الشراب، شرب شوية و هو يدوخ
جا فايت المش (قط) و يلقى الشراب و الفارو هو يقول الليلة زاهية ، باش نبدي ؟ بدا بالشراب باش
يكمل بالفارصدق حتى هو داخ.
جا دايز الكلب لقى 3 (الفار -المش و شراب) المهم بغى يبدي بالشراب و يكمل بهم و هو يدوخ عاود
جا الذيب و النمر و اخيرا الاسد ، كل واحد تبانلو الليلة زاهية و يبغي يبدي بالشراب و يدوخ
مهم فالصباح ناض الفار ، و لقى كاع داك الشي حداه مكملين
و هو يقول:كاع كاتدصرو علينا بصح ناري ملي نسكرمانعرف فيها حتى واحد .




5-
جوج أموات تلقاو فالمستودع و بغاو يتعارفو . الاول قال لثاني نتا باش مت.؟
الثاني قالو بالبرد ، و انت ؟
الاخر قالو بالضحك .
لثاني قالو كيدرت ؟
الاول: والو كنت جالس فالقهوة و وصلني ميساج قالي بلي فداري كاينة خيانة زوجية، نضت نجري ،
دخلت لدارفتشت تحت السدادر، تحت الفراش، فالكوزينة، فالماريو ، فالبالكون و مالقيت والو
وانا بديت نضحك حتى مت.
وانت كيدرت مت بالبرد؟
الثاني: ديك الساعة كان عليك تفتش فالثلاجة ا صاحبي.





6-
جوج ارواح ديال سراق الزيت تلاقاو و واحد يقول الاخر : باش مت؟
الاخر: ب بايغون مبيد و انت؟
الاول: أنا أخر حاجة عاقل عليها رقم 45.




7-
واحد السيد بات عند صاحبو ، فالليل سمع صاحبو يهدر مع مرتو و يقولها ، شفتي القمر ؟
قالتلو نعم شايفاتو
قالها إيوا شفتي نتي حسن بيه .
هداك هزها سخونة و الصباح مشى يجري عند مرتو قالها
خدوج شفتي القمرة ؟
قالتلو خدوج: مالني شفتني عميا بحالك ولا



8-
واحد السيد قرزاز (بخيل) كان فوق واحد العمارة و يلعب بواحد الدرهم فالبالكون، الدرهم طاحلو
و هو ينزل يجري مع الدروج ، و بقى يبحث عليه
ضربة واحدة داك الدرهم جا فوق راسو مفلقو
حيث الراجل سبق الدرهم




9-
واحد السيد شرا رونو 4 و بقى محافظ عليها و خايف عليها و يتمشى غي ب 20 باش ما يسرالها والو
واحد نهار شاد الاوطو روت ، و هي طيح en panne، شنو يدير جا فايت عليه شاب عندو BMW
تالية, و هو ينزل
اش كاين ا عمي،؟
مول رونو قالو : سكتت السيارة و مالقيت كيندير.
شاب: أوكي أجي نوصلك عند اقرب ستاسيون ديال ليصانص.
مول الرونو: ألا خايف يشفروهالي و غي هي اللي عندي.
شاب: واخا أنا غادي نربطهم و نبقى جارك حتى نلقاو الستاسيون.
مول الرونو: أ شوف بقى تجري غي ب 60 راه ماباغيش السرعة ملي نبقى نصونيلك و نشعل الضو
عرف بلي راك تجري و تم نقص.
قاليه الشاب أوكي
المهم ماشين و هداك الشاب يتمشى بلاتي عليه و هي تجي واحد الشابة ب MERCEDES بنز
التالية و دوبليه و هي تضحك عليه
الشاب ما رضاش و يعفس على الكسيراتور و يعطيها 230 ، و يعاود يدوبلها
ديك البنت ما رضاتش و تعطي الفيتاس التالي و دوبل الشاب وهاديك هي بقاو معاندين
و مول الرونو مسيكين طاير فالسما بديك R4
فاتو على باراج واحد الدركي سخف ، جا صاحبو قالو مالك أ صاحبي ؟
داك اللي سخف : شفت واحد العجب ، عمري ما شفتو، واحد المرسيديس فايتة شاعلة النار .
الاخر: إيوا صافي ياك المرسيديس كاتجري مزيان مالك.
اللي سخف: ماشفتش موراها واحد BM صاروخ تجري شي 230 .
الاخر : صاحبي مالك ، واش هادي جديدة عليك ولا، ياك BM معروفة بالجرا.
اللي سخف: وا ماشي هادي ، المشكلة شفت موراهم R4 تجري و شاعلة الضو و تصوني باغية
دوبلهم بجوج.





10-
واحد السيد مشى يدوز البيرمي ، قالولو : إيلا لقيت على ليمين 10 ديال الناس و على ليسر غي
واحد وجايتك كاميو ،
و كان خاصك تدخل فشي واحد ، اشنو دير ؟ تقتل 10 ديال الناس ولا داك اللي بوحدو؟
قاليهم داك اللي بوحدو.
نجح و خدا البيرمي ، واحد النهار و لقى راسو فيدك الوضعية
على ليمين 10 ديال الناس، على ليسر واحد و كاميونة جاية تجري
و هو يدور على ليسر باش يدخل فهداك ، داك السيد شاف السيارة جاياتو و هو يهرب
و هداك يتبعو بالسيارة يجري موراه، وبقاو هكاك حتى داك السيد دخل فواحد الدرب ضيق
مايدخلولوش السيارات
و مول البيرمي يوقف السيارة و ينزل بشاقور و يجري على هداك و قالو: اليوم نقتلك انت
راك فالكود ميت.





11-
واحد مشى يدوز البيرمي: قالولو : كنت ماشي و لقيت علامة قف، توقف ولا دوز ؟
قالهم : ماندوزش
ردوا عليه: هز حوايجك و رجعلنا الخميس الجاي.
استغرب
نهار الخميس رجع، سولوه : كنت ماشي فزنقة و لقيت ممنوع المرور، دوز و لا لا؟
قالهم: ماندوزش.
ردوا عليه: جمع حوايجك و رجع نهار الخميس الجاي.
استغرب
رجع الخميس و قالولو: كنت ماشي و لقين ممنوع الوقوف ، توقف ولا لا؟
رد عليهم: نجمع حوايجي و نرجع الخميس الجاي .
ردوا عليه : برافو الجواب صحيح ، مبروك البيرمي.

مشكور اخى خالد

مشكور اخى خالد

العفو مشكورة على المرور

--------------------------------------------------------------------------------

مشكور اخى خالد

مشكور اخى خالد